****** الــكـــــامـيــــرات ... ودوخة الإختيار .. والتردد

سم الله الرحمن الرحيم ،،


السلام عليكم ورحمة الله وبركاته .. وبعد :


الكثير منا إذا ودّهـ يشتري كاميرا يسأل عن مواصفات الكاميرا اللي تليق به كسعر ومواصفات تغنيه عن كثير من الكاميرات ..


بصراحة ودي أشرح بعض المعلومات البسيطة اللي تخص الاختيار لكاميرا مناسبة ومعقولة ..

طبعاً الكل يعرف أن الصورة كلها عبارة عن الوان وانعكاس منظر في داخل الحساس ( Sensor ) ..

الحين انت إذا بتشتري كاميرا يجب أن تحدد إذا كانت إحترافية أو غير احترافية ..

والفرق بينهم ان :
- الإحترافية فيها عدسات يمكن تبديلها عكس الغير احترافية .
- الإحترافية شكل الغالق يشبه شكل الباب الذي ينغلق دفعة واحدة وقطعة واحدة عكس الغير احترافية فهو على شكل دائرة تصغر وتكبر مع التعريض . يعني على نفس الشكل هذا :

[URL="http://www.almoso3h.com/up3/getlink.php?id=55449"][/URL]

طبعاً بلا شك الغالق الدائري أكثر دقة من الغالق الباب .. يعني الغير إحترافية أكثر دقة من الإحترافية .. !!

شي غريب .. لكن الميزة ترجع إلى الميغابيكسل والآيزو .. وهذي أحد أهم ميزات اختيار الكاميرات .. لازم تحطها بعين الإعتباط .. قصدي بعين الإعتبار ..


ع العموم يجب أن تنتبه لعدة أمور في الكاميرا الغير احترافية عند اختيارك لها :

أولاً :

الميغابيكسل : هي دقة الكاميرا في التقاط صورة بتفاصيل كثيرة ودقيقة .. فمثلاً عدسة الجوال 1.7 ميغابيكسل على أرجح الأحوال وهي الغالبية .. لكن جرب كاميرا شخصية دقتها 10 ميغابيكسل .. !! مع ان الكل كاميرات ..
هنا ولا شك الكاميرا ذات الـ 10 ميغابيكسل هي الأفضل .. عشانها اكبر رقم .. :yasser-atrees (61):



ثانياً :

الآيزو : هو حساسية الضوء لمعايير مهمة .. ( اللون - التفاصيل - الضوء ) .. مثال :
ISO1600 : صورة باهتة الألوان . أكثرها وشوشة ( Noise ) . إضاءتها زايدة ( تصلح فقط في التصوير الليل فهي تعطي نتائج ممتازة .
ISO 50 : ألوان دسمة مشبعة . تفاصيل الصورة من رموش العين مثلاً أو تشققات الخد فإنها ستكون أوضح . صورة معتمة ظلماء أو شبه ظلماء .

يعني إذا تحتاج تفاصيل حلوة لازم تحط إضاءة حتى تحصل على تفاصيل .. أو استخدم آيزو عالي حتى تضيع الدقة بس تحصل على إضاءة حلوة ..

* انتبه تحط الآيزو : Auto .. !! راح تندم بلاشك .
واحرص على ان الكاميرا تحمل آيزو منخفض جداً يصل إلى 50 أو 80 أو 100 على الأقل ..




ثالثاً :

الزوم : Zoom .. وهو التقريب .. وهو ينقسم في كل كاميرا إلى قسمين البصري والرقمي ..
البصري : كل ماتقرب يكون دقة الصورة هي دقة الكاميرا ..
الرقمي : كل ماتقرب كل ما تطلع الصورة مربعات وغير واضحة ..

فاحرص بأن تحصل على كاميرا ذات زوم بصري عالي مثلاً 10× أو حولها ..




رابعاً :

VR أو Vibration .. فايبريشن .. ( مانع الإهتزاز ) .. طبعاً المفترض يكون انتي فايبريشن بس هم يسمونها فايبريشن .. .. وهذا مهم جداً خصوصاً للكاميرات ذات الزوم البصري الطويل أو تصوير الفيديو من الكاميرا الرقمية نفسها ..


خامساً :

التصوير المتعدد : Multi shot .. وهذا يفيد إذا انت ناوي تصور شي متحرك بس تحب تحطه في الإيميج ريدي أو غيره .. اسأل عن الكاميرا اللي ستشتريها كم صورة تلتقط في الثانية ؟!!







طبعاً أول ثلاث بنود هي الأهم وهي الميغابيكسل والآيزو والزوم ..

والبقية مجرد تكملة ..

وفيه أشياء يعني لو سألت عنها يكون أفضل لك وهي كم نمط ألوان في كاميرتك .. فلورسنت أو غيوم أو ظل أو أي نوع من ضبط الألوان .. WB أو وايت بالانس .. White Balance ..



عندها إذا تأكدت ان كاميرتك توافق رغبتك وتملأ جشعك في التصوير فاتسعن بالله وتوكل واشترها ولا تتردد ..