مواقف مضحكة من الأطفال .. تتخجل الأمهات ...

مواقف مضحكة من الأطفال .. تتخجل الأمهات ...

--------------------------------------------------------------------------------

المواقف
----------------------------------------------
تقول وحده من الأمهات : كنت معزومه على حفل عشاء فأخذت ابنتي الصغيرة معي ، فلما
جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش؟؟
فضحكواعليها الحاضرات..
-----------------------------------
والثانية: جانا ضيوف وجابوا معهم هديه للمولود الجديد فكان ابني يريد فتحها فقلت له: انتظر
حتى يذهبوا. صار يدخل ويطلع ولما مل الولد من الانتظار دخل وقال بصوت مرتفع :خلاص
أبفتحها شكلهم بينامون عندنا..
--------------------------------------
وقالت وحده بعد: ذهبنا في زيارة لعمات زوجي. وحده منهم كبيرة في السن قلت لولدي حب
رأسها فرفض وقال: ريحة رأسها شينه..
(يقصد الحناء) شوفوا الإحراج اللي صار لي ..
---------------------------------
و وحده ثانيه قول: جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه. و لما قلت لها عيب ردت وقالت:شكلها شغاله.
----------------------------------
و وحده تقول: زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم: لا تخلصون العشاء لأنا بنتعشى أنا وأمي بعدكم .شوفوا وجه أبوه وقتها.
----------------------------------
و وحده تقول:.بنتها دايم تحرجها بنقل الكلام قدام الناس تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت . تقول الأم : صار وجهي مية لون ويوم سمعت جارتي هذا الكلام زعلت وطلعت من البيت ..
----------------------------------------
إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن
الرجال..
-------------------------------
أيضاً في المدرسة ...طفلة في الروضة كانت تعبث بأنفها أثناء الحصة ... فانتقدتها المعلمة وقالت
لها استعملي المنديل عيب اتسوين كذا فأجابت الطفلة:لا مو عيب.بابا يسوي كذا ....


منقووووووووووووووووووووووووووووول