][ خليل بن إبراهيم الشبرمي التميمي ][ { بسم رب العباد }

بسم رب العباد أبدا ولاأبـدا غيـر بسـم الله أول بـادي

الحليم العليم اللي يرى ويشـوف مافـي قلـوب عبـاده

يالله اليوم وفقني وعطنـي مطلبـي يالولـي ومـرادي

وسدد أمري وشد أزري على ضيم الدهر والزمن وجهاده

واعف عني واعني يامعيـن وقدنـي واهدنـي ياهـادي

وحل بالحال عقده من لسانـي يـا آلهـي وحـل قيـاده

ياسلامي سلام الله سـلامٍ صافـيٍ مـن صميـم فـوادي

ياسلامي عليكـم يامنـار العـز دولـه وشعـب وقـاده

وما نشا وارتكم ثم ارتهش وارهش وجهّا غشين وجادي

وشب من شرق برقٍ بالدجى سرهج سناه ورجس رعّاده

ثن جزل التحايا والثنـا ثنّـه لابـن ثانـي المعضـادي

حاكمٍ نادرٍ منتوب مـن هامـة مضـر صافـيٍ ميـراده

ولتميم القبيلة تاج راسـي لابتـي عزوتـي واسيـادي

ولتميم الغضنفر ساعد السبـع المظفـر حمـد وسنـاده

وبعدها قلت ياشرد المعانـي ريعـي واذعنـي وانقـادي

واصغري واخضعي لأمجاد شيخٍ شامخٍ مثل شمّ أطـواده

حازمٍ حاسـمٍ حليـل ومحنّـك وحاكـم حكيـم حيـادي

عـز داره وشعبـه للحضـاره والعـلا والتقـدم قـاده

اقتصادي سياسي دبلوماسي عسكـري داهيـه وريـادي

قاد نهضة قطر للعالميـة شاهـدوا واشهـدوا بأمجـاده

والله اللي ليا منه عطى جزل العطى وان وهـب جـوّادي

بالحسب والنسب مع بسطةٍ فالعلم والجسـم ربـي زاده

هيليـعٍ صميـدع صيرمـيٍ صــارمٍ صـاطـيٍ ورّادي

يعربيٍ معـرّب حنظلـيٍ مـن تميـم ووهيـب أجـداده

أقسى الأمّة على الدجّـال والعيّـال والمعتـدي والغـادي

وذا حديث النبيّ المصطفى عند البخاري صحيح اسنـاده

سيّدي يالأسد ياسد مـارب يالهـدى يالمحيـط الهـادي

ياحمـد يازبنـا ياذرانـا ياعمـود الوطـن واوتــاده

فيك رسم الشهامه والشجاعه والنـدى والمبـادي بـادي

وفيك حزم الزعيم وهيبة الزيزوم وعزوم فـوق العـاده

وفزعة العنْقري واقدام ابن غشّـام وقيـادة ابـن زيـادِ

وباس أبا زيد والزير وكرم حاتم وجـوده وفيـك زيـاده

حكمة أكثم واياس وسطوة القعقاع وافعـال ابـن شـدّادِ

وحلم الأحنف ونخوة مالك بن الريب وأعظم سجايا الساده

من سلايل سليل المجد قاسم قاسم الحرب عوق العـادي

يكرم الضيف ويعين الضعيف ويـردع ويلطـم الهـدّاده

قاسم الليث هدّاب السرايـا بالبحـر والوعـر والـوادي

مايهاب المنايـا فـارسٍ مقـدام واريـاه قـدح زنـاده

جعله لجنّة الفردوس من راحت حياتـه جلـد وجهـادي

يضرب الكود ويدوس الأفاعي ليـن عفّـا حـدود بـلاده

وآل ثاني هل العليا أولي بـأسٍ شديـدٍ وسبـط أيـادي

كاسبين الثنا والطيب والطولات سـادة قطـر واعمـاده

والمعاضيد لابان الضديـد بساحـة المعركـة والمـادي

يـاردون المنايـا ورد هيـم ونارهـم دايــمٍ وقّــاده

لابتي عزوتي للضيـف ريـف وللمعاديـن بالمرصـادي

ومن زبنهم وجاهم في وطنهم زبنـوه وعطـوه مـراده

وياقطر دونك رجالٍ ليـا حـل الخطـر بالعمـار تفـادي

من جميع الحمايل عند هيجـات العـزاوي تجـي ورّاده

أنشد الشقب عن صبح رمضان وهول كونٍ جرت وطرادي

ومن بغى زود أفاده ينشد الخفجـي وتعطيـه زود أفـاده

الحقايق جليّة والمشاعـر حاضـره والبيـوت جـدادي

صاغهن شاعرٍ طولات ربعـه ياعـرب تفحـم العـدّاده

وحاشا لله كـلٍ فيـه حقـه والعـرب نـازل وشـدادي

والله أنّه يلوم اللي يلـوم اللـي يهيـم باهلـه وابـداده

الفرزدق جرير العرفج اللوح القضـاه الصقيـه أستـادي

كلهم من تميم ومن حضر يدلـي بدلـوه مـع القصّـاده

حاميٍ حاميٍ حاضر بحاضر وان حـدا للحماسـه حـادي

شاعرك ماذخر وله الفخـر ياسيّـدي لافتخـر باسيـاده

واسلم اسلم ودم واقبل قصيدٍ صادقٍ من صميـم فـوادي

نظم حرٍ تميمي يفتخـر فـي لابتـه مانظمـه شحـاده

قلتها وأدري أن الطيـب كايـد والفتـى زارعٍ حصّـادي

وكل مخلوق يلقى مازرع لاحـط فـي ضيقـات ألحـاده

وعد ماعاد عيد وفاح ريح العود الأزرق وريـح الكـادي

ختمها ياصلاة الله على صفوة قريـش وجميـع عبـاده

مع التحية لكم

هلالي منذو مبطي

مشرف عام المساهمات : 63 تاريخ التسجيل : 27/12/2007

تسلم أخوي هلالي منذ مبطي
ومشكووووووووور على القصيدة الحلوة

بومطلق كتب:: تسلم أخوي هلالي منذ مبطي
ومشكووووووووور على القصيدة الحلوة

الله مير يسلمك يا بومطلق

نورت الموضوع بوجودك

وترا اسمي هو

هلالي منذو مبطي

وليس

هلالي منذ مبطي